سید محسن نقوی : محبتیں بانٹنے والا قادر الکلام شاعر

ترتیب و تحریر : ظفر معنی بلے جعفری

ﺳﯿﺪ ﻣﺤﺴﻦ نقوی ﮐﺎ ﻣﮑﻤﻞ ﻧﺎﻡ ﺳﯿﺪ ﻏﻼﻡ ﻋﺒﺎﺱ ﺗﮭﺎ۔ ﻟﻔﻆ ﻣﺤﺴﻦ ﺍُﻥ ﮐﺎ ﺗﺨﻠﺺ ﺗﮭﺎ ﺍﻭﺭ ﻟﻔﻆ ﻧﻘﻮﯼ ﮐﻮ ﻭﮦ ﺗﺨﻠﺺ ﮐﮯ ﺳﺎﺗﮫ ﺍﺳﺘﻌﻤﺎﻝ ﮐﺮﺗﮯ ﺗﮭﮯ۔ ﻟﮩﺬﺍ ﺑﺤﯿﺜﯿﺖ ﺍﯾﮏ ﺷﺎﻋﺮ ﺍنھوں ﻧﮯ ﺍﭘﻨﮯ ﻧﺎﻡ ﮐﻮ ﻣﺤﺴﻦ ﻧﻘﻮﯼ ﻣﯿﮟ ﺗﺒﺪﯾﻞ ﮐﺮﻟﯿﺎ ﺍﻭﺭ ﺍِﺳﯽ ﻧﺎﻡ ﺳﮯ ﻣﺸﮩﻮﺭ ﮨﻮ ﮔﺌﮯ۔
ﻣﺤﺴﻦ ﻧﻘﻮﯼ 5 ، ﻣﺌﯽ 1947ﺀ ﮐﻮ ﻣﺤﻠﮧ ﺳﺎﺩﺍﺕ، ﮈﯾﺮﮦ ﻏﺎﺯﯼ ﺧﺎﻥ ﻣﯿﮟ ﭘﯿﺪﺍ ﮨﻮﺋﮯ. ﺍنھوں ﻧﮯ ﮔﻮﺭﻧﻤﻨﭧ ﮐﺎﻟﺞ ﺑﻮﺳﻦ ﺭﻭﮈ ﻣﻠﺘﺎﻥ ﺳﮯ ﮔﺮﯾﺠﻮﯾﺸﻦ ﺍﻭﺭ ﭘﮭﺮ ﭘﻨﺠﺎﺏ ﯾﻮﻧﯿﻮﺭﺳﭩﯽ ﺳﮯ ﺍﯾﻢ ﺍﮮ ﺍﺭﺩﻭ ﮐﯿﺎ ﺗﮭﺎ۔ ﮔﻮﺭﻧﻤﻨﭧ ﮐﺎﻟﺞ ﺑﻮﺳﻦ ﺭﻭﮈ ﻣﻠﺘﺎﻥ ﺳﮯ ﮔﺮﯾﺠﻮﯾﺸﻦ ﮐﺮﻧﮯ ﮐﮯ ﺑﻌﺪ ﺟﺐ ﯾﮧ ﻧﻮﺟﻮﺍﻥ ﺟﺎﻣﻌﮧ ﭘﻨﺠﺎﺏ ﮐﮯ ﺍﺭﺩﻭ ﮈﯾﭙﺎﺭٹمنٹ ﻣﯿﮟ ﺩﺍﺧﻞ ﮨﻮﺍ ﺗﻮ ﺩﻧﯿﺎ ﻧﮯ ﺍﺳﮯ ﻣﺤﺴﻦؔ ﻧﻘﻮﯼ ﮐﮯ ﻧﺎﻡ ﺳﮯ ﺟﺎﻧﺎ۔ ﺍﺱ ﺩﻭﺭﺍﻥ ﺍﻥ ﮐﺎ ﭘﮩﻼ ﻣﺠﻤﻮعہ ﮐﻼﻡ ﭼﮭﭙﺎ۔ ﺑﻌﺪ ﻣﯿﮟ ﻭﮦ ﻻﮨﻮﺭ ﻣﻨﺘﻘﻞ ﮨﻮ ﮔﺌﮯ۔ ﺍﻭﺭ ﻻﮨﻮﺭ ﮐﯽ ﺍﺩﺑﯽ ﺳﺮﮔﺮﻣﯿﻮﮞ ﻣﯿﮟ ﺣﺼﮧ ﻟﯿﺘﮯ ﺭﮨﮯ ﺟﮩﺎﮞ ﺍنھیں ﺑﮯ ﭘﻨﺎﮦ ﺷﮩﺮﺕ ﺣﺎﺻﻞ ﮨﻮﺋﯽ۔ ﺑﻌﺪ ﻣﯿﮟ ﻣﺤﺴﻦ ﻧﻘﻮﯼ ﺍﯾﮏ ﺧﻄﯿﺐ ﮐﮯ ﺭﻭﭖ ﻣﯿﮟ ﺳﺎﻣﻨﮯ ﺁﺋﮯ. ﻣﺠﺎﻟﺲ ﻣﯿﮟ ﺫﮐﺮِ ﺍﮨﻞ ﺑﯿﺖ ﺍﻭﺭ ﻭﺍﻗﻌﺎﺕِ ﮐﺮﺑﻼ ﮐﮯ ﺳﺎﺗﮫ ﺳﺎﺗﮫ ﺍہل بیت ﭘﮧ ﻟﮑﮭﯽ ﮨﻮﺋﯽ ﺷﺎﻋﺮﯼ ﺑﯿﺎﻥ ﮐﯿﺎ ﮐﺮﺗﮯ ﺗﮭﮯ۔

ﺷﺎﻋﺮﯼ:
ﻣﺤﺴﻦ ﻧﻘﻮﯼ ﺷﺎﻋﺮﯼ ﮐﮯ ﻋﻼﻭﮦ ﻣﺮﺛﯿﮧ ﻧﮕﺎﺭﯼ ﻣﯿﮟ ﺑﮭﯽ ﻣﮩﺎﺭﺕ ﺭﮐﮭﺘﮯ ﺗﮭﮯ۔ ﺍنھوں ﻧﮯ ﺍﭘﻨﯽ ﺷﺎﻋﺮﯼ ﻣﯿﮟ
ﻭﺍﻗﻌﮧ ﮐﺮﺑﻼ ﮐﮯ ﺍﺳﺘﻌﺎﺭﮮ ﺟﺎﺑﺠﺎ ﺍﺳﺘﻌﻤﺎﻝ کیے. ﺍﻥ ﮐﯽ ﺗﺼﺎﻧﯿﻒ ﻣﯿﮟ ﻋﺬﺍﺏ ﺩﯾﺪ، ﺧﯿﻤﮧ ﺟﺎﻥ، ﺑﺮﮒ ﺻﺤﺮﺍ، ﻃﻠﻮﻉ ﺍﺷﮏ، ﺣﻖ ﻋﺎﻟﯿﮧ، ﺭﺧﺖ شب ﺍﻭﺭ ﺩﯾﮕﺮ ﺷﺎﻣﻞ ﮨﯿﮟ۔ ﻣﺤﺴﻦ ﻧﻘﻮﯼ ﮐﯽ ﺷﺎﻋﺮﯼ ﻣﯿﮟ ﺭﻭﻣﺎﻥ ﺍﻭﺭ ﺩﺭﺩ ﮐﺎ ﻋﻨﺼﺮ ﻧﻤﺎﯾﺎﮞ ﺗﮭﺎ۔ ﺍﻥ ﮐﯽ ﺭﻭﻣﺎﻧﻮﯼ ﺷﺎﻋﺮﯼ ﻧﻮﺟﻮﺍﻧﻮﮞ ﻣﯿﮟ ﺑﮭﯽ ﺧﺎﺻﯽ ﻣﻘﺒﻮﻝ ﺗﮭﯽ۔ ﺍﻥ ﮐﯽ ﮐﺌﯽ ﻏﺰﻟﯿﮟ ﺍﻭﺭ ﻧﻈﻤﯿﮟ ﺁﺝ ﺑﮭﯽ ﺯﺑﺎﻥ ﺯﺩ ﻋﺎﻡ ﮨﯿﮟ ﺍﻭﺭ ﺍﺭﺩﻭ ﺍﺩﺏ ﮐﺎ ﺳﺮﻣﺎﯾﮧ ﺳﻤﺠﮭﯽ ﺟﺎﺗﯽ ﮨﯿﮟ۔ ﻣﺤﺴﻦ ﻧﮯ ﺑﮍﮮ ﻧﺎﺩﺭ ﺍﻭﺭ ﻧﺎﯾﺎﺏ ﺧﯿﺎﻻﺕ ﮐﻮ ﺍﺷﻌﺎﺭ ﮐﺎ ﻟﺒﺎﺱ ﺍﺱ ﻃﺮﺡ ﭘﮩﻨﺎﯾﺎ ﮨﮯ ﮐﮧ ﺷﺎﻋﺮﯼ ﮐﯽ ﺳﻤﺠﮫ ﺭﮐﮭﻨﮯ ﻭﺍﻻ ﺩﻧﮓ ﺭﮦ ﺟﺎﺗﺎ ﮨﮯ۔

ﺍِﮎ ” ﺟﻠﻮﮦ “ ﺗﮭﺎ، ﺳﻮ ﮔُﻢ ﺗﮭﺎ ﺣﺠﺎﺑﺎﺕِ ﻋﺪﻡ ﻣﯿﮟ
ﺍِﮎ ” ﻋﮑﺲ“ ﺗﮭﺎ، ﺳﻮ ﻣﻨﺘﻈﺮِ ﭼﺸﻢِ ﯾﻘﯿﮟ ﺗﮭﺎ

ﻣﺤﺴﻦ ﻧﻘﻮﯼ ﮐﮯ ﻏﺰﻝ ﺍﻭﺭ ﻧﻈﻢ ﮐﮯ ﻗﺎﺩﺭ ﺍﻟﮑﻼﻡ ﺷﺎﻋﺮ ﮨﻮﻧﮯ ﮐﮯ ﺑﺎﺭﮮ ﻣﯿﮟ ﺩﻭ ﺁﺭﺍ ﻧﮩﯿﮟ ﮨﻮ ﺳﮑﺘﯿﮟ۔ ﻣﺤﺴﻦ ﮐﯽ ﻧﺜﺮ ﺟﻮ ﺍُﻥ ﮐﮯ ﺷﻌﺮﯼ ﻣﺠﻤﻮﻋﻮﮞ ﮐﮯ ﺩﯾﺒﺎﭼﻮﮞ ﮐﯽ ﺷﮑﻞ ﻣﯿﮟ ﻣﺤﻔﻮﻅ ﮨﻮ ﭼﮑﯽ ﮨﮯ ﺑﻼ ﺷﺒﮧ تخلیقی ﺗﺤﺮﯾﺮﻭﮞ ﮐﯽ ﺻﻒِ ﺍﻭّﻝ ﻣﯿﮟ ﺷﻤﺎﺭ ﮐﯽ ﺟﺎ ﺳﮑﺘﯽ ﮨﮯ۔ ﻟﯿﮑﻦ ﺍﺱ ﮐﮯ ﺳﺎﺗﮫ ﺳﺎﺗﮫ ﻭﮦ ﺍﯾﮏ ﺍﻭﺭ ﺻﻨﻒِ ﺳﺨﻦ ﯾﻌﻨﯽ ﻗﻄﻌﮧ ﻧﮕﺎﺭﯼ ﮐﮯ ﺑﮭﯽ ﺑﺎﺩﺷﺎﮦ ﮨﯿﮟ. ﺍِﻥ ﮐﮯ ﻗﻄﻌﺎﺕ ﮐﮯ ﻣﺠﻤﻮﻋﮯ ”ﺭﺩﺍﺋﮯ ﺧﻮﺍﺏ” ﮐﻮ ﺍﻥ ﮐﮯ ﺩﯾﮕﺮ ﺷﻌﺮﯼ ﻣﺠﻤﻮﻋﻮﮞ ﮐﯽ ﻃﺮﺡ ﺑﮯ ﺣﺪ ﭘﺬﯾﺮﺍﺋﯽ ﺣﺎﺻﻞ ﮨﻮﺋﯽ۔ ﻧﻘﺎﺩﺍﻥِ ﻓﻦ ﻧﮯ ﺍﺳﮯ ﻗﻄﻌﮧ ﻧﮕﺎﺭﯼ ﻣﯿﮟ ﺍﯾﮏ ﻧﺌﮯ ﺑﺎﺏ ﮐﺎ ﺍِﺿﺎﻓﮧ ﻗﺮﺍﺭ ﺩﯾﺎ۔ ﻣﺬﮨﺒﯽ ﻧﻮﻋﯿﺖ ﮐﮯ ﻗﻄﻌﺎﺕ ”ﻣﯿﺮﺍﺙِ ﻣﺤﺴﻦ" ﻣﯿﮟ ﭘﮩﻠﮯ ﮨﯽ ﺩﺭﺝ کیے ﺟﺎ ﭼﮑﮯ ﮨﯿﮟ. ﻣﺤﺴﻦ ﻧﮯ ﺍﺧﺒﺎﺭﺍﺕ ﮐﮯ لیے ﺟﻮ ﻗﻄﻌﺎﺕ ﻟﮑﮭﮯ ﺍﻥ ﮐﯽ ﺯﯾﺎﺩﮦ ﺗﺮ ﻧﻮﻋﯿﺖ ﺳﯿﺎﺳﯽ ﺗﮭﯽ ﻟﯿﮑﻦ ﺍﻥ ﮐﺎ ﻟﮑﮭﻨﮯ ﻭﺍﻻ ﺑﮩﺮ ﺣﺎﻝ ﻣﺤﺴﻦ ﺗﮭﺎ.
ﻣﺤﺴﻦ ﻧﻘﻮﯼ ﺷﺎﻋﺮ ﺍﮨﻞِ ﺑﯿﺖ ﮐﮯ ﻃﻮﺭ ﭘﺮ ﺑﮭﯽ ﺟﺎﻧﮯ ﺟﺎﺗﮯ ﺗﮭﮯ ۔
ﺍﺭﺩﻭ ﻏﺰﻝ ﮐﻮ ﮨﺮ ﺩﻭﺭ ﮐﮯ ﺷﻌﺮﺍ ﻧﮯ ﻧﯿﺎ ﺭﻧﮓ ﺍﻭﺭ ﻧﺌﮯ ﺭﺟﺤﺎﻧﺎﺕ ﻋﻄﺎ ﮐﯿﮯ۔ ﻣﺤﺴﻦ ﻧﻘﻮﯼ ﮐﺎ ﺷﻤﺎﺭ ﺑﮭﯽ ﺍﻧﮩﯽ ﺷﻌﺮﺍ ﻣﯿﮟ ﮨﻮﺗﺎ ﮨﮯ جنھوں ﻧﮯ ﻏﺰﻝ ﮐﯽ ﮐﻼﺳﯿﮑﯽ ﺍﭨﮭﺎﻥ ﮐﺎ ﺩﺍﻣﻦ ﺗﻮ ﻧﮩﯿﮟ ﭼﮭﻮﮌﺍ ﺗﺎﮨﻢ ﺍﺳﮯ ﻧﺌﯽ ﺷﮕﻔﺘﮕﯽ ﻋﻄﺎ ﮐﯽ۔ ﻣﺤﺴﻦ ﻧﻘﻮﯼ ﮐﮯ ﮐﻼﻡ ﻣﯿﮟ ﺻﺮﻑ ﻣﻮﺿﻮﻋﺎﺕ ﮐﺎ ﺗﻨﻮﻉ ﮨﯽ ﻣﻮﺟﻮﺩ ﻧﮩﯿﮟ ﺑﻠﮑﮧ ﺯﻧﺪﮔﯽ ﮐﯽ ﺗﻤﺎﻡ ﮐﯿﻔﯿﺘﻮﮞ ﮐﻮ ﺍنھوں ﻧﮯ ﺟﺪﯾﺪ ﻃﺮﺯ ﺍﺣﺴﺎﺱ ﻋﻄﺎ ﮐﯿﺎ۔ ﻣﺤﺴﻦ ﻧﻘﻮﯼ ﮐﯽ ﺷﺎﻋﺮﯼ ﮐﺎ ﺍﯾﮏ ﺑﮍﺍ ﺣﺼﮧ ﺍﮨﻞ ﺑﯿﺖ ﺳﮯ ﻣﻨﺴﻮﺏ ﮨﮯ۔ ﺍنھوں ﻧﮯ ﮐﺮﺑﻼ ﭘﺮ ﺟﻮ ﺷﺎﻋﺮﯼ ﻟﮑﮭﯽ ﻭﮦ ﺩﻧﯿﺎ ﺑﮭﺮ ﻣﯿﮟ ﭘﮍﮬﯽ ﺍﻭﺭ ﭘﺴﻨﺪ ﮐﯽ ﺟﺎﺗﯽ ﮨﮯ۔ ﺍﻥ ﮐﮯ ﻣﺬﮨﺒﯽ ﮐﻼﻡ ﮐﮯ ﺑﮭﯽ ﮐﺌﯽ ﻣﺠﻤﻮﻋﮯ ﮨﯿﮟ ﺟﻦ ﻣﯿﮟ ﺑﻨﺪِ ﻗﺒﺎ، ﺑﺮﮒِ ﺻﺤﺮﺍ، ﺭﯾﺰﮦ ﺣﺮﻑ، ﻋﺬﺍﺏِ ﺩﯾﺪ، ﻃﻠﻮﻉِ ﺍﺷﮏ، ﺭﺧﺖِ ﺷﺐ، ﺧﯿﻤﮧ ﺟﺎﮞ، ﻣﻮﺝِ ﺍﺩﺭﺍﮎ ﺍﻭﺭ ﻓﺮﺍﺕِ ﻓﮑﺮ ﺯﯾﺎﺩﮦ ﻣﻘﺒﻮﻝ ﮨﯿﮟ۔
ﻣﺤﺴﻦ ﻧﻘﻮﯼ ﻧﮯ ﺷﺎﻋﺮﯼ ﮐﺎ ﺁﻏﺎﺯ ﺯﻣﺎﻧﮧ ﻃﺎﻟﺐ ﻋﻠﻤﯽ ﺳﮯ ﮐﯿﺎ. ﺍﻥ ﮐﺎ ﺳﺐ ﺳﮯ ﺍﮨﻢ ﺣﻮﺍﻟﮧ ﺗﻮ ﺷﺎﻋﺮﯼ ﮨﮯ۔ ﻟﯿﮑﻦ ﺍﻥ ﮐﯽ ﺷﺨﺼﯿﺖ ﮐﯽ ﺍﻭﺭ ﺑﮭﯽ ﺑﮩﺖ ﺳﯽ ﺟﮩﺘﯿﮟ ﮨﯿﮟ۔ ﺍنھوں ﻧﮯ ﺍﭘﻨﯽ ﺷﺎﻋﺮﯼ ﺻﺮﻑ ﺍﻟﻒ ﻟﯿﻠٰﯽ ﮐﮯ ﻣﻮﺿﻮﻉ ﺗﮏ ﮨﯽ ﻣﺤﺪﻭﺩ ﻧﮧ ﺭﮐﮭﯽ ﺑﻠﮑﮧ ﺍنھوں ﻧﮯ دنیا ﮐﮯ ﺣﮑﻤﺮﺍﻧﻮﮞ ﮐﮯ ﺑﺎﺭﮮ ﻣﯿﮟ ﺑﮭﯽ ﺑﮩﺖ ﮐﭽﮫ ﻟﮑﮭﺎ جنھیں ﺍﭘﻨﮯ ﻟﻮﮔﻮﮞ ﮐﯽ ﮐﻮﺋﯽ ﻓﮑﺮ ﻧﮧ ﺗﮭﯽ۔ ﺍﻥ ﮐﯽ ﺷﺎﻋﺮﯼ ﮐﺎ ﻣﺤﻮﺭ ﻣﻌﺎﺷﺮﮦ، ﺍﻧﺴﺎﻧﯽ ﻧﻔﺴﯿﺎﺕ، ﺭﻭﯾﮯ، ﻭاقعۂ ﮐﺮﺑﻼ ﺍﻭﺭ ﺩﻧﯿﺎ ﻣﯿﮟ ﺍﺯﻝ ﺳﮯ ﺟﺎﺭﯼ ﻣﻌﺮﮐﮧ ﺣﻖ ﻭ ﺑﺎﻃﻞ ﮨﮯ۔

وفات:
ﺍﭘﻨﮯ ﻋﺮﻭﺝ ﮐﯽ ﺍﻧﺘﮩﺎ ﮐﻮ ﭘﮩﻨﭻ ﮐﺮ ﻣﺤﺴﻦ ﻧﻘﻮﯼ ﻧﮯ ﮐﺎﻟﻌﺪﻡ ﺗﺤﺮﯾﮏِ ﻃﺎﻟﺒﺎﻥ، ﺳﭙﺎﮦ ﺻﺤﺎﺑﮧ ﺍﻭﺭ ﺍﺱ ﮐﯽ ﺫﯾﻠﯽ ﺷﺎﺧﻮﮞ ﮐﻮ ﺍﭘﻨﯽ ﺷﺎﻋﺮﯼ ﮐﮯ ﺫﺭﯾﻌﮯ ﺑﮯ ﻧﻘﺎﺏ ﮐﺮﻧﺎ ﺷﺮﻭﻉ ﮐﯿﺎ ﺗﻮ ﭘﮭﺮ ﻭﮨﯽ ﮨﻮﺍ ﺟﻮ ﺍﺱ ﻣﻠﮏ ﻣﯿﮟ ﮨﺮ ﺣﻖ ﮔﻮ ﮐﺎ ﻣﻘﺪﺭ ﮨﮯ۔ ﺍﺭﺩﻭ ﺍﺩﺏ ﮐﺎ ﯾﮧ ﺩﻣﮑﺘﺎ ﭼﺮﺍﻍ 15 ﺟﻨﻮﺭﯼ 1996ﺀ ﮐﻮ ﻣﻮﻥ ﻣﺎﺭﮐﯿﭧ ﻻﮨﻮﺭ ﻣﯿﮟ ﺍﭘﻨﮯ ﺩﻓﺘﺮ ﮐﮯ ﺑﺎﮨﺮ ﺩﮨﺸﺖ ﮔﺮﺩﻭﮞ ﮐﯽ ﻓﺎﺋﺮﻧﮓ ﺳﮯ ﺑﺠﮫ ﮔﯿﺎ ﺗﮭﺎ، ﺗﺎﮨﻢ ﺍﺱ ﮐﯽ ﺭﻭﺷﻨﯽ ﺍﻥ ﮐﯽ ﺷﺎﻋﺮﯼ ﮐﯽ ﺻﻮﺭﺕ ﻣﯿﮟ ﮨﻤﯿﺸﮧ ﺯﻧﺪﮦ ﺭﮨﮯ ﮔﯽ۔ ﭘﻮﺳﭧ ﻣﺎﺭﭨﻢ ﮐﯽ ﺭﭘﻮﺭﭦ ﮐﮯ ﻣﻄﺎﺑﻖ 45 ﮔﻮﻟﯿﺎﮞ ﻣﺤﺴﻦؔ ﮐﮯ ﺟﺴﻢ ﻣﯿﮟ ﻟﮕﯿﮟ۔

ﯾﮧ ﺟﺎﮞ ﮔﻨﻮﺍﻧﮯ ﮐﯽ ﺭُﺕ ﯾﻮﻧﮩﯽ ﺭﺍﺋﯿﮕﺎﮞ ﻧﮧ ﺟﺎﺋﮯ
ﺳﺮ ﺳﻨﺎﮞ، ﮐﻮﺋﯽ ﺳﺮ ﺳﺠﺎﺅ ! ﺍُﺩﺍﺱ ﻟﻮﮔﻮ

ﺷﮩﺎﺩﺕ ﺳﮯ ﭼﻨﺪ ﻟﻤﺤﮯ ﻗﺒﻞ ﻣﺤﺴﻦ ﻧﻘﻮﯼ ﻧﮯ ﺍﯾﮏ ﻻﺯﻭﺍﻝ ﺷﻌﺮ ﮐﮩﺎ ﺗﮭﺎ ﮐﮧ:

ﺳﻔﺮ ﺗﻮ ﺧﯿﺮ ﮐﭧ ﮔﯿﺎ
ﻣﯿﮟ ﮐﺮﭼﯿﻮﮞ ﻣﯿﮟ ﺑﭧ ﮔﯿﺎ

ﻣﺤﺴﻦؔ ﻧﮯ ﺑﮯ ﺍﻧﺘﮩﺎ ﺷﺎﻋﺮﯼ ﮐﯽ ﺟﺲ ﻣﯿﮟ ﺣﻘﯿﻘﯽ ﺍﻭﺭ ﻣﺠﺎﺯﯼ ﺩﻭﻧﻮﮞ ﭘﮩﻠﻮ ﺷﺎﻣﻞ ﺗﮭﮯ۔ ﺍﻥ ﮐﯽ ﭘﮩﭽﺎﻥ ﺍہل بیت ﻣﺤﻤﺪؐ ﮐﯽ ﺷﺎﻥ ﻣﯿﮟ ﮐﯽ ﮔﺌﯽ ﺷﺎﻋﺮﯼ ﺑﻨﯽ۔

ﻣﺠﻤﻮعۂ ﮐﻼﻡ:
ﺍﻥ ﮐﮯ ﮐﺌﯽ ﻣﺠﻤﻮﻋﮧ ﮐﻼﻡ ﭼﮭﭗ ﭼﮑﮯ ﮨﯿﮟ ﺟﻦ ﻣﯿﮟ ﺳﮯ ﮐﭽﮫ ﺩﺭﺝ ﺫﯾﻞ ﮨﯿﮟ

ﺑﻨﺪِ ﻗﺒﺎ۔ 1969 ﺀ
ﺑﺮﮒِ ﺻﺤﺮﺍ۔ 1978 ﺀ
ﺭﯾﺰﮦ ﺣﺮﻑ۔ 1985 ﺀ
ﻋﺬﺍﺏِ ﺩﯾﺪ۔ 1990 ﺀ
ﻃﻠﻮﻉِ ﺍﺷﮏ۔ 1992 ﺀ
ﺭﺧﺖِ ﺷﺐ۔ 1994 ﺀ
ﺧﯿﻤﮧ ﺟﺎﮞ۔ 1996 ﺀ
ﻣﻮﺝِ ﺍﺩﺭﺍﮎ
ﻓﺮﺍﺕِ ﻓﮑﺮ

اعزازت:
1994 ﺀ ﻣﯿﮟ ﺣﮑﻮﻣﺖ ﭘﺎﮐﺴﺘﺎﻥ ﻧﮯ ﺍنھیں ﺻﺪﺍﺭﺗﯽ ﺗﻤﻐﺎ ﺑﺮﺍﺋﮯ ﺣﺴﻦ ﮐﺎﺭﮐﺮﺩﮔﯽ ﻋﻄﺎ ﮐﯿﺎ ﺗﮭﺎ

نمونہ کلام:

محسن نقوی شہید کے مجوعہ کلام فراتِ فکر کے چند صفحات پر یہ دعاٸیہ کلام دستیاب ہے۔ محسن نقوی شہید کہ جن کا تقریباً بارہ پندرہ برس یہ معمول رہا کہ وہ رات بارہ ایک بجے کے قریب قبلہ والد گرامی سید فخرالدین بلّے شاہ صاحب کے غریب خانے پر تشریف لاتے اور اذان فجر پر رخصت ہوجایا کرتے تھے۔ ”فراتِ فکر“ کا مکمل مجموعہ کلام محسن نقوی شہید کی زبانی متعدد بار جب جب بھی سنا ایک ہی نشست میں سنا ہم نے اور ہمارے اہلِ خانہ نے۔ ماشا ٕ اللہ ما شا ٕ اللہ کراچی اور متعدد شہروں کی امام بارگاہوں میں مجالس کے اختتام پر یہ دعائیہ کلام پڑھنے کی روایت قابل صد ستاٸش اور باعث خیر و برکت ہے۔ (ظفر معین بلے جعفری)

دعائیہ کلام:
اے ربِ جہاں!! پنجتن پاک کے خالق
اس قوم کا دامن غمِ شبیر سے بھر دے

بچوں کو عطا کر علی اصغر کا تبسم
بوڑھوں کو حبیب ابن مظاہر کی نظر دے

کم سن کو ملے ولولہِ عون و محمد
ہر اک جواں کو علی اکبر کا جگر دے

مائوں کو سکھا ثانیِ زھرا کا سلیقہ
بہنوں کو سکینہ کی دعائوں کا اثر دے

مولا تجھے زینب کی اسیری کی قسم ہے
بےجرم اسیروں کو رہائی کی خبر دے

جو چادر زینب کی عزادار ہیں مولا
محفوظ رہیں ایسی خواتین کے پردے

جو دین کے کام آئے وہ اولاد عطا کر
جو مجلس شبیر کی خاطر ہو وہ گھر دے

یا رب!! تجھے بیماری عابد کی قسم ہے
بیمار کی راتوں کو شفایاب سحر دے

مفلس پہ زر و لعل و جواہر کی ہو بارش
مقروض کا ہر قرض ادا غیب سے کر دے

غم کوئی نہ دے ہم کو سوائے غم شبیر
شبیر کا غم بانٹ رہا ہے تو ادھر دے

متفرق اشعار:
عمر اتنی تو عطا کر میرے فن کو خالق
میرا دشمن میرے مرنے کی خبر کو ترسے
۔۔۔
ﭘﮭﺮ ﮐﻮﻥ ﺑﮭﻼ ﺩﺍﺩ ﺗﺒﺴﻢ ﺍنھیں ﺩﮮ ﮔﺎ
ﺭﻭﺋﯿﮟ ﮔﯽ ﺑﮩﺖ ﻣﺠﮫ ﺳﮯ ﺑﭽﮭﮍ ﮐﺮ ﺗﺮﯼ ﺁﻧﮑﮭﯿﮟ
۔۔۔
ﺍﺟﺎﮌ ﺭﺕ ﮐﻮ ﮔﻼﺑﯽ ﺑﻨﺎﺋﮯ ﺭﮐﮭﺘﯽ ﮨﮯ
ﮨﻤﺎﺭﯼ ﺁﻧﮑﮫ ﺗﺮﯼ ﺩﯾﺪ ﺳﮯ ﻭﺿﻮ ﮐﺮ ﮐﮯ
۔۔۔
ﺟﻮ ﺗﺮﯼ ﺯﻟﻒ ﺳﮯ ﺍﺗﺮﮮ ﮨﻮﮞ ﻣﺮﮮ ﺁﻧﮕﻦ ﻣﯿﮟ
ﭼﺎﻧﺪﻧﯽ ﺍﯾﺴﮯ ﺍﻧﺪﮬﯿﺮﻭﮞ ﮐﺎ ﺍﺩﺏ ﮐﺮﺗﯽ ﮨﮯ
۔۔۔
سنا ہے زلزلہ آتا ہے عرش پر محسن
کہ بے گناہ لہو جب سناں پہ بولتا ہے
۔۔۔
نعت

الہام کی رم جھم کہیں بخشش کی گھٹا ہے
یہ دل کا نگرہے کہ مدینے کی فضا ہے

سانسوں میں مہکتی ہیں مناجات کی کلیاں
کلیوں کے کٹوروں پہ ترا نام لکھا ہے

آیات کی جھرمٹ میں ترے نام کی مسند
لفظوں کی انگوٹھی میں نگینہ سا جڑا ہے

اب کون حدِ حسن طلب سوچ سکے گا
کونین کی وسعت تو تہ دستِ دعا ہے

ہے تیری کسک میں بھی دمک حشر کے دن کی
وہ یوں کہ مرا قریہ جاں گونج اُٹھا ہے

خورشید تری راہ میں بھٹکتا ہوا جگنو
مہتاب ترا ریزہ نقشِ کفِ پا ہے

واللیل ترے سایہ گیسو کا تراشا
والعصر تری نیم نگاہی کی ادا ہے

لمحوں میں سمٹ کر بھی ترا درد ہے تازہ
صدیوں میں بکھر کر بھی ترا عشق نیا ہے

یا تیرے خدوخال سے خیرہ مہ و انجم
یا دھوپ نے سایہ ترا خود اُوڑھ لیا ہے

یا رات نے پہنی ہے ملاحت تری تن پر
یا دن ترے اندازِ صباحت پہ گیا ہے

رگ رگ نے سمیٹی ہے ترے نام کی فریاد
جب جب بھی پریشان مجھے دنیا نے کیا ہے

خالق نے قسم کھائی ہے اُس شہر اماں کی
جس شہر کی گلیوں نے تجھے ورد کیا ہے

اِک بار ترا نقشِ قدم چوم لیا تھا
اب تک یہ فلک شکر کے سجدے میں جھکا ہے

دل میں ہو تری یاد تو طوفاں بھی کنارہ
حاصل ہو ترا لطف تو صرصر بھی صبا ہے

غیروں پہ بھی الطاف ترے سب سے الگ تھے
اپنوں پہ نوازش کا بھی انداز جدا ہے

ہر سمت ترے لطف و عنایات کی بارش
ہر سو ترا دامانِ کرم پھیل گیا ہے

ہے موجِ صبا یا ترے سانسوں کی بھکارن
ہے موسم گل یا تری خیراتِ قبا ہے

سورج کو اُبھرنے نہیں دیتا ترا حبشی
بے زر کو ابوذر تیری بخشش نے کیا ہے

ثقلین کی قسمت تری دہلیز کا صدقہ
عالم کا مقدر ترے ہاتھوں پہ لکھا ہے

اُترے گا کہاں تک کوئی آیات کی تہہ میں
قرآن تری خاطر ابھی مصروفِ ثنا ہے

اب اور بیاں کیا ہوکسی سے تیری مدحت
یہ کم تو نہیں ہے کہ تو محبوبِ خدا ہے

اے گنبدِ خضرا کے مکین میری مدد کر
یا پھر یہ بتا کون میرا تیرے سوا ہے

بخشش تری آنکھوں کی طرف دیکھ رہی ہے
محسؔن ترے دربار میں چپ چاپ کھڑا ہے​

غزل
فنکار ہے تو ہاتھ پہ سورج سجا کے لا
بجھتا ہوا دِیا نہ مقابل ہوا کے لا​

دریا کا اِنتقام ڈبو دے نہ گھر تیرا
ساحِل سے روز روز نہ کنکر اٹھا کے لا​

تھوڑی سی اور موج میں آ اے ہوائے گُل
تھوڑی سی اُس کے جسم کی خُوشبو چُرا کے لا​

گر سوچنا ہے اہل مشیت کے حوصلے
میدان سے گھر میں اِک میت اُٹھا کے لا​

محسن اب اُس کا نام ہے سب کی زبان پر
کِس نے کہا تھا اُس کو غزل میں سجا کے لا​

غزل
عذاب دید میں آنکھیں لہو لہو کر کے
میں شرمسار ہوا تیری جستجو کر کے

کھنڈر کی تہ سے بریدہ بدن سروں کے سوا
ملا نہ کچھ بھی خزانوں کی آرزو کر کے

سنا ھے شہر میں زخمی دلوں کا میلہ ھے
چلیں ہم بھی مگر پیرہن رفو کر کے

مسافت شب ہجراں کے بعد بھید کھلا
ہوا دکھی ہے چراغوں کو بے آبرو کر کے

زمیں کی پیاس اسی کے لہو کو چاٹ گئی
وہ خوش ہوا تھا سمندر کو آب جو کر کے

یہ کس نے ہم سے لہو کا خراج پھر مانگا
ابھی تو سوئے تھے مقتل کو سرخرو کر کے

جلوس اہل وفا کس کے در پہ پہنچا ہے
نشان طوق وفا زینت گلو کر کے

اجاڑ رت کو گلابی بنائے رکھتی ہے
ہماری آنکھ تیری دید سے وضو کر کے

کوئی تو حبس ہوا سے یہ پوچھتا محسن
ملا ہے کیا اسے کلیوں کو بے نمو کر کے

نظم
میں نے اِس طور سے چاہا تجھے اکثر جاناں
جیسے مہتاب کو بے انت سمندر چاہے
جیسے سورج کی کرن سِیپ کے دل میں اُترے
جیسے خوشبو کو ہِوا رنگ سے ہٹ کر چاہے

جیسے پتھر کے کلیجے سے کرن پھوٹتی ہے
جیسے غُنچے کھِلے موسم سے حنا مانگتے ہیں
جیسے خوابوں میں خیالوں کی کماں ٹُوٹتی ہے
جیسے بارش کی دعا آبلہ پا مانگتے ہیں

میرا ہر خواب میرے سچ کی گواہی دے گا
وسعتِ دید نے تجھ سے تیری خواہش کی ہے
میری سوچوں میں کبھی دیکھ سراپا اپنا
میں نے دنیا سے الگ تیری پرستش کی ہے

خواہشِ دید کا موسم کبھی دُھندلا جو ہوا
نوچ ڈالی ہیں زمانوں کی نقابیں میں نے
تیری پلکوں پہ اترتی ہوئی صبحوں کے لئے
توڑ ڈالی ہیں ستاروں کی طنابیں میں نے

میں نے چاہا کہ تیرے حُسن کی گُلنار فضا
میری غزلوں کی قطاروں سے دہکتی جائے
میں نے چاہا کہ میرے فن کے گُلستاں کی بہار
تیری آنکھوں کے گُلابوں سے مہکتی جائے

طے تو یہ تھا کہ سجاتا رہے لفظوں کے کنول
میرے خاموش خیالوں میں تکلّم تیرا
رقص کرتا رہے بھرتا رہے خوشبو کا خمار
میری خواہش کے جزیروں میں تبسّم تیرا

تُو مگر اجنبی ماحول کی پروردہ کِرن
میری بُجھتی ہوئی راتوں کو سحر کر نہ سکی
تیری سانسوں میں مسیحائی تھی لیکن تُو بھی
چارۂ زخمِ غمِ دیدۂ تر کر نہ سکی

تجھ کو احساس ہی کب ہے کہ کسی درد کا داغ
آنکھ سے دل میں اتر جائے تو کیا ہوتا ہے
تُو کہ سِیماب طبیعت ہے تجھے کیا معلوم
موسمِ ہِجر ٹھہر جائے تو کیا ہوتا ہے

تُو نے اُس موڑ پہ توڑا ہے تعلق کہ جہاں
دیکھ سکتا نہیں کوئی بھی پلٹ کر جاناں
اب یہ عالم ہے کہ آنکھیں جو کھُلیں گی اپنی
یاد آئے گا تیری دید کا منظر جاناں

مجھ سے مانگے گا تِرے عہدِ محبت کا حساب
تیرے ہِجراں کا دہکتا ہوا محشر جاناں
یوں مِرے دل کے برابر تیرا غم آیا ہے
جیسے شیشے کے مقابل کوئی پتھر جاناں

غزل
بھڑکائیں مری پیاس کو اکثر تری آنکھیں
صحرا مرا چہرا ہے سمندر تری آنکھیں

پھر کون بھلا داد تبسم انھیں دے گا
روئیں گی بہت مجھ سے بچھڑ کر تری آنکھیں

خالی جو ہوئی شام غریباں کی ہتھیلی
کیا کیا نہ لٹاتی رہیں گوہر تیری آنکھیں

بوجھل نظر آتی ہیں بظاہر مجھے لیکن
کھلتی ہیں بہت دل میں اتر کر تری آنکھیں

اب تک مری یادوں سے مٹائے نہیں مٹتا
بھیگی ہوئی اک شام کا منظر تری آنکھیں

ممکن ہو تو اک تازہ غزل اور بھی کہہ لوں
پھر اوڑھ نہ لیں خواب کی چادر تری آنکھیں

میں سنگ صفت ایک ہی رستے میں کھڑا ہوں
شاید مجھے دیکھیں گی پلٹ کر تری آنکھیں

یوں دیکھتے رہنا اسے اچھا نہیں محسنؔ
وہ کانچ کا پیکر ہے تو پتھر تری آنکھیں
***
ظفر معین بلے جعفری کی یہ نگارش بھی پڑھیں:سید محمد انجم معین بلے: حالات و واقعات اور غزل