آہ! شمیم حنفی

(صنعتِ توشیح میں تعزیت)
مسعود بیگ تشنہ
ش: شعورِ نقد و نگاہِ جمال زندہ باد
تفہیمِ نقدِ ادب بے مثال زندہ باد
م : مُدامِ رقصِ قلم اور ذوقِ تدریسی
نہ دیکھا ایسا کبھی باکمال زندہ باد
ی: یہ خوب حسنِ تواضع، یہ حسنِ با ادبی
یہ نرم چہرہ، متیں چال ڈھال زندہ باد
م : ملا نہ جامعہ ملیہ کو یوں شفیع استاد
جدید درسِ ادب، قیل و قال زندہ باد
ح : حیاتِ جاوداں نقدِ ادب سے پائیں گے
تراجم، ننھا ادب باکمال زندہ باد
ن : نہیں کوئی شمیم حنفی سا کم سخن شاعر
مگر وہ ذوق وہ رنگِ جمال زندہ باد
ف : فسانہ ہو گیا دانش ور و صحافی وہ
خیال ہو گیا وہ خوش خیال زندہ باد
ی : یہ شوقِ خوب کمہاری، مصوری کا انہیں
فنِ ڈرامہ نگاری کمال زندہ باد
7 مئی 2021، اِندور، انڈیا
صاحب نظم کی یہ نگارش بھی ملاحظہ ہو :رنگ برنگی کرسیاں