بہ یاد شہرہ آفاق فلمی گلوکارہ و بلبل ہند لتا منگیشکر
تاریخ وفات: ۶ فروری ۲۰۲۲
احمد علی برقیؔ اعظمی
ہوگئیں رخصت لتا منگیشکر
ہے نہایت روح فرسا یہ خبر
لحن میں تھا اُن کے جو سوز و گداز
اُس سے کر لیتی تھیں سب کے دل میں گھر
اُن کی رحلت سے سبھی ہیں سوگوار
جن کے تھیں ٹوٹے دلوں کی چارہ گر
اپنی فلموں میں مَدُھر آواز سے
تھیں جہاں میں سب کی منظورِ نظر
تھیں وہ بھارت رتن سے بھی سرفراز
اِس حقیقت سے سبھی ہیں باخبر
دوسری ہوگی نہ اب کوئی لتا
کہہ رہے ہیں یہ سبھی با چشمِ تَر
جاری و ساری تھا جو تا زندگی
ختم اُن کا ہو گیا فلمی سفر
تھیں وہ برقی بلبلِ ہندوستاں
فلمی دنیا میں سبھی ہیں نوحہ گر
***
برقی اعظمی کی یہ تخلیق بھی پڑھیں :پیکر مہر و وفا وجہہ سعادت ہے بہن
شیئر کیجیے
